-
(kaum sind sie weg, treten Dennis und Joe durch die Tür. Dennis trägt nun normale Kleidung, casual modisch. Wieder trägt er den Blazer von vorhin mit dem Einstecktuch)
(besorgt) Dennis, das isch alles us em Rueder gloffe! Mir stönd dank dine Spinnereie churz vor de Schlüüssig!
-
Dennis: Jetzt tue doch nöd alles so dramatisiere. Ich ha alles under Kontrolle.
(empört) Under Kontrolle? Dörf ich dich dra erinnere, dass de Tisch gfloge isch, d Cherze eifach so brennt hett und s Portemonnaie vom Applebee Füür gfange hett?
-
Dennis: Für das gits sicher e ganz eifachi Erklärig.
Ich lose!
-
Dennis: De Tisch hett echli gwaggelet und usere bestimmte Perspektive hetts eso usgseh, als würd er schwebe. Bi de Cherze hett de Docht eifach no so fescht glüeht… und drum isch sie wieder aagange.
(ungläubig) Grad vier mol?
-
Dennis: Und s Portmonnaie hett Füür gfange will… (schaut sich um und entdeckt eine Lupe auf der Rezeption) …will die Lupe do imene bestimmte, scharfe Winkel de Sunnestrahl uf em Portemonnaie bündlet hett.
(entnervt, zeigt zur Terrasse) Dennis, es rägnet.
-
Dennis: Mängisch fanged halt eifach Sache aafoh brenne! Elektrischi Zigarette, Handys…
Die händ aber e Batterie. Du weisch eifach nümme wiiter, das isch es.
-
Dennis: Das isch nöd wohr. Wenn ich nümme wiiter weiss, denn äff ich eifach mis vis-à-vis no.
Bravo, das isch sehr erwachse! Was isch jetzt dini Erklärig?
-
Dennis: (kurze Pause, äfft ihn nach) Bravo, das isch sehr erwachse! Was isch jetzt dini Erklärig?
Mir müend üs dringend öppis iifalle loh, wie mir das Geischter-Problem wieder us de Welt schaffed! Und zwar sofort!
-
Dennis: (äfft ihn wieder nach) …und zwar sofort!
(genervt) Jetzt hör emol uuf! Hilf lieber e Löösig z finde.
-
Dennis: (gibt auf) Ich ha doch au kei Löösig parat! Woher söll ich denn wüsse, wieso do plötzlich alles aafangt z brenne und umeflüüge! Meinsch mir isch wohl bi dere Sach!
Mir müend defür sorge, dass de Applebee verschwindt!
-
Dennis: Mir chönd ihn jo nöd userüehre. Das würs nur no schlimmer mache!
(denkt nach) Zerscht müend mir ihm e plausibli Erklärig für die Phänomen liefere. Vorher git de kei Rueh.
-
Dennis: Eigentlich hett er jo nur das mit de Cherze gseh.
Stimmt – de schwebendi Tisch und s brennende Portmonnaie nöd.
-
Dennis: (schöpft Hoffnung) Und dass e Cherze wieder aafyngt z brenne, isch jo nöd eso ussergwöhnlich.
Eigentlich scho, wenns eifach us em nüüt passiert. Mir müend ihm eifach klar mache, dass die Cherze churz vorane brennt hett und sie dur en Windstoss wieder aagange hett.
-
Dennis: Das han ich jo grad vorher gseit!
Jo, aber bi mir tönts intelligenter.
|
|
