De Elefant im Porzellanlade 1. Akt

(Scheinwerfer erleuchtet die Vorbühne – bei geschlossenem Vorhang. Auftritt Finn, ein gutaussehender Mann, eine ausgeprägte Persönlichkeit mit einem sympathischen Lächeln. Er trägt einen einfachen Anzug und Hut. Er spricht direkt zum Publikum)

(alle fünf Damen verharren ruhig, sich gegenseitig anstarrend, während sich der Vorhang langsam schliesst. Danach erleuchten die Scheinwerfer die Vorbühne wieder. Man sieht Finn. Er spricht wieder zum Publikum)

(Kramer betritt die Vorbühne von der Seite. Er ist auch ein in Anzug gekleideter Detektiv. Er ist nur Hilfskommissar, deswegen nimmt er Finn gegenüber auch körpersprachlich eine unterordnende Haltung ein. Er trägt ein Notizbuch mit sich herum und benutzt dieses, während er spricht)

Kramer: Finn, mir händ da e chline Uftrag. Isch grad inecho. E Toti in 909 Sycamore

Kramer: Zuefäll…

Kramer: Für de Zuefall?

Kramer: E Alti… Frau. Irgend e anderi – Dame – hetts gmäldet. Eigentlich hett sie jo umsverrecke – tschuldigung – unbedingt, mit dir wölle rede. Sie kenni dich. Hett sie gseit. Hanere gseit, dass ich din Partner bin, dass mir zäme schaffed, und das scho siit öppe…

Kramer: He?

Kramer: Ich ha gfrogt, obs en natürliche Tod gsi seg. Sie isch aber nöd sicher gsi. Wahrschiinlich isch dem öpper zuvor cho.

Kramer: Em natürliche Tod.

Kramer: De Mord.

Hildegard:    So stönd emol aschtändig häre. Was söll de Herr Finn au dänke? Mer seged imene Hüehnerstall? Mached en guete Iidruck.
(sie stellen sich etwa wie ein Empfangskommitee auf, mit Elizabeth auf dem Sofa als Letzte in der Reihe. Die Reihe ist in Richtung Elizabeth gekrümmt, so dass jemand, der die Reihe entlanggeht, Elizabeth nicht sogleich bemerkt. Hildegard geht zur Tür und öffnet diese. Finn und Kramer treten ein)

Hildegard:   Ja, das isch eso. Ich han aaglüüte. Hodge isch min Name, Hildegard Hodge… mir ghört das Huus.

Hildegard: Ich stelle ihne zerscht no mini Gäscht vor…

Hildegard: Duurgäscht.

Kramer: Truurgäscht. (grinst dümmlich)

Nettie: (lässt nicht los) Wie gohts ihne so, Herr Finn?

Amantha: Loh los!

Nettie: Das isch d Miss Amantha …

Amantha: Sie sind jo villiecht en flotte Burscht. Aber echli bleich. Sie müend luege, dass Sie vernünftig essed.

Amantha: Jungselle essed immer z vill oder z wenig und nie zu normale Ziete.

Lucy: Chasch ufhöre.

Amantha: Ah ja, das isch d Miss Lucy.

Lucy: (nach einem langen, schmachtenden Blick) Sie erinneres mich jo so fescht an Robert.

Lucy: En alte liebe Fründ. Scho mengs Johr tot

Lucy: Ich bin scho lang drüber hinweg. Scho meh als vierzg Johr.

Birdie: (streng) Chasch höre! Ich will jetz au vorgschtellt wärde.

Lucy: Ja, Herr Finn – das isch d Miss Birdie.

Birdie: Ich wirde ohnmächtig.

Amantha: Kei Angscht, sie kippt nöd um. Birdie: Nei, du hesch mers jo verbotte.

Lucy: Es wär au de Elizabeth gegenüber nöd fair.

Birdie: Hätted sie mich jetz ufgfange, wenns passiert wär?

Birdie: Chönnt jo sii, dass es nomol passiert… nöd vergässe denn! Und das da wär jetz äbe d Miss Elizabeth.
(Finn sieht jetzt die Leiche zum ersten Mal. Er wacht aus seiner Benommenheit auf. Zusammen mit Kramer tritt er zur Leiche und begutachtet diese für eine Weile)
Kramer: Gseht uus, als schloft sie.
Birdie: Also, nänei, die isch scho tod. Do hämmer scho gluegt.

Lucy: Wenn sie nöd tod wär, hätted mer ihre nöd alli die schöne Sache gäh. Wüssed sie, wo sie no gläbt hett, isch sie denn mängisch scho en hinterfutzige gemeine Souhoogge gsi

Lucy:   Ich wott nöd öppe schlächt rede über sie. Das öppe ganz und gar nöd. Ich sägs eifach nume.

Nettie: Isch jo soo schad, dass d Elizabeth das alles verpasst. Birdie: Aber villiecht isch sie jo no gar nöd soo wiit eweg.

Kramer: Ich has fascht vermueted.
Birdie: Was säged ihr zur Perlechetti?

Birdie: Gsehnd sie denn nöd, dass mer sie schön dekoriert händ…? Mir händ doch wölle, dass sie sich für die Glägeheit vo dr beschte Siite zeigt.

Nettie: Für ihre Bsuech, Herr Finn.

Hildegard: Sie dörfed mir also scho Hildegard säge.

Hildegard: Jo…

Hildegard: (schaut fragend in die Damenrunde) Will… sie doch so mysteriös ums Läbe cho isch.

Lucy: Soumässigi Chrämpf.

Nettie: Denn hett sie tüüf Luft gholt.

(erwartungsvolle Pause)

Lucy: Bumm fertig Tod! Aus-die Maus-Ende!

Amantha: (in die Runde) Händ mir eim aaglüütet?
Lucy: Hätt jo gliich nüt me gnützt.
Nettie: Gwerweissed händ mer scho…

Nettie: Aber mir händ denn entschiede, dass es z spoot isch.
Lucy: Und z tüür.
Nettie: Wüssed sie, Herr Finn, sone liechti Vorahnig händ mer äbe au no gha.

Nettie: (nach langem Zögern) Es wär sinnlos gsi en Dokter z hole. Die guet Elizabeth isch vergifted worde.

Birdie: (zu den anderen Damen) Isch er nöd cool?
Lucy: Er hett sone Stimm – fast wie de Robert. Jedes mol, wenn de Robert luut worde isch, isches mir chalt de Rügge ab gloffe. Isch mir scho lang nümme passiert.
Birdie: Und jetz?
Lucy: Jetz laufts wieder.

Hildegard: (tadelnd) Wäge dem müend sie nöd so schreie. Mir sind no nöd taub.
Kramer: (sich langsam über die Situation und über Finns Verzweiflung amüsierend, spottend) Jaja, Finn. Mir sind do bi Dame und nöd uf em Kasärnehof.

Kramer: Ich? Ich bi doch nur de Hilfssheriff. Du bisch de Boss, Chef.
Birdie: Jawohl Herr Finn. Mir reded nur mit em Boss persönlich.

Hildegard: Was dänked sie denn, als Ermittler? Cha das sii, dass sie vergifted worde isch?

Birdie: (unterbricht ihn, zu den anderen) Händ ihr das ghört? Mir sind „liebi Dame?“

Nettie: Wieso? Mir wüsseds doch scho.

Nettie: Das öpper hett müesse stärbe.
Hildegard: Birdie! Das will er doch sälber usefinde. Wie söll eine no Freud a dem Bruef ha, wenn meh ihm alles petzt.

Lucy: (verheissungsvoll) Will ich meh weiss über alli i dem Huus als alli zäme. Ich chönnt em Herr Finn denn scho no paar Hiewiis gäh – über jedi do inne.
Amantha: Alles gloge. Was bisch du nur für es gältigssüchtigs und verlognigs Wöschwiib.

Kramer: Aber, wenn alli säged sie seig um de Egge brocht worde, cha jo scho öppis dra sii.

Leichträger 1: Hoi Finn, hesch öppis schöns?

Leichträger 1: (zu Finn) Nöd schlecht! Merci, gell!

Amantha: Lucy, du dörftisch denn ruhig echli ehrfürchtiger sii mit de Tote.
Hildegard: Elizabeth isch mir no Mieti schuldig. Vo dere hani mi jetz au grad verabschiedet.
Birdie: (kichernd, mit einem flüchtigen Blick zu Finn) Aber Hildegard, das isch es doch wert gsii…?

Amantha: Ja, wänd sie scho wieder goh?

Hildegard: Herr Finn, bitte! (zu den anderen Damen) Wönd mer ihn jetz scho goh loh? Wüssed sie, mit händ nämlich alls mögliche vorbereitet.
Amantha: Genau, das händ mer. Sie chönd jetz nöd eifach goh, Herr Finn.
Hildegard: Uf die ander Siite – eigentlich hett de Herr Finn jo rächt. D Polizei hett ihri eigete Vorgehenswiise. Und er weiss es jo no nöd, dass es Mord gsii isch.

Hildegard: Mord hani gseit.

Nettie: (kichert) Jaja, Unfall…

Hildegard: Also Mädels, wenn mir wönd, dass de Herr Finn no chli bliibt, müend mer ihm scho no en chline Tipp gäh.
Lucy: Spötischtens wenns d Liich verschniided, findeds es eh use.

Amantha: (nach einer Pause und einem Blick in die Runde) Also! Mir händ Gift im Huus.

Lucy: Im Chuchichäschtli. Das wüssed mir dänk alli. Rattegift.
Kramer: Arsen, Finn! Im Rattegift hetts Arsen. Dänk doch dra, was mit ihre passiert isch, bevor sie gschtorbe isch. Das isch e Arsenvergiftig.

Birdie: Das wird jo immer spannender. Mein Gott im Himmel, ich glaub ich wirde ohnmächtig.
Kramer: (kommt mit einer Dose zurück) Do isch mol Rattegift drin gsi. Aber jetz isch sie leer.
Nettie: Da händ mers doch. A dem Rattegift isch sie gschtorbe.

Lucy: Wo sie gschtorbe isch nöd.

Hildegard: Geschter öppe no halbvoll. Ich ha no im Chäller gschtreut.

Nettie: Sie hett gmogled.
Lucy: Nei, bschisse.
Amantha: Mängisch isch sie i d Chuchi gschliche, Herr Finn, und hett eifach e Tasse Tee gholt.

Amantha: Müend nöd go luege. Tassli sind alli abgwäsche.

Birdie: Jöh aber au. Es Indiz! Ladys, isch de Herr Finn nöd en Goldige?

Amantha: Aber wohär au Nie, Herr Finn, das würded mir nie.

Kramer: (kommt aus der Küche zurück) Da isch die Büchs. Irgend e wissi Subschtanz schiint no i dem Tee z sii. Is Labor demit?

Kramer: Ganz dinere Meinig.

Hildegard: Wie chasch au, Lucy? De Herr Finn isch Detektiv. Mir händ ihm nur ganz en munzig chliine Heewiis gäh. De Rescht hett er alles sälber usegfunde.
Lucy: Ohje, Herr Finn, villmol Entschuldigung. Sicher händ sie s usgefunde.

Kramer: (rausplappernd) Es sind jo nur no füf. (gluckst)

Birdie: Süess, wenn er suur isch.

Nettie: (in die Hände klatschend) Das wär aber sicher ganz luschtig.

Lucy: (traurig) Jetz gömmer usser Huus? Das isch denn jetz blöd, dass ich de Elizabeth min Huet gäh ha. Saublöd. Was legg ich jetz aa?
Kramer: (geht zu Finn) Nöd ufrege, nöd drohe. Das bringt do gar nüt. Keep cool.

Kramer: Das isch doch genau das, was wönd – dich uf d Palme bringe.

Amantha: Jo also Herr Finn. So gohts denn also scho nöd. Das müend ihr denn also scho no sälber usefinde.
Nettie: Das klapped scho, kei Angscht, sie schaffed das scho.

Birdie: Ich nöd.
Nettie: Ich au nöd.
(die anderen Damen schütteln ihre Köpfe, aber es wird auch gekichert. Finn geht zu Kramer und spricht leise)

Kramer: Ich trau ihne nöd.

Kramer: Aber alli wänd, dass es du usefindsch.

Hildegard: Bi de andere weiss ich s nöd. Aber ich traue keinere.

Birdie: Uf das wär ich no gar nöd cho. Scho no guet, dass mir zum Zmittag alli Schoggi trunke händ, wie immer.
Lucy: Was händ mir doch wider für es Schwein gha.
Amantha: Das Risiko händ mer müesse iigoh. Ich bi scho no froh, dass nöd ich de Tee trunke ha. Suscht würd ich jetz das alles verpasse do.

Nettie: (verschmitzt) Erwarted nöd, aber erhofft.

Amantha: I ha no nie ghört, dass es ‚din‘ Robert hett sölle gsi si.
Lucy: (fasst sich ans Herz) Er hett aber en feschte Platz i mim Härz.

Amantha: Pscht! Lose jetz, nöd schwätze.

Amantha: Amantha.

Nettie: Mir isch gliich rächt, dass es sie preicht hett.

Nettie: Sie hett eim jo nie an Fäldschtächer gloh.

Hildegard: (steht auf und geht Richtung Küche) Oh, ich ha d Pfanne uf em Härd vergässe.

Amantha: Irgendwenn wärs gliich uuscho, Hildegard. De Herr Finn isch sonen clevere Detektiv. Er hettis so oder so usegfunde.
Birdie: (gibt Finn das Fernglas) Do.

Birdie: (kichernd) Liebe Herr Finn. Zwinged sie üs bitte nöd, das z verrote.

Kramer: Ich han au so es Ding. Aber ich bruuches eigetlich nur verusse.

(es entsteht ein heftiges Gekicher. Finn dreht sich um, zuerst verwirrt, dann verärgert)
Hildegard: Ladys, ihr müend mir jetz alli i d Chuchi cho hälfe. (beschämt und nach einer Ausflucht suchend, rennen sie kichernd in die Küche. Kramer lässt sich in einem Lachanfall auf den Stuhl sinken. Finn nähert sich ihm)

Kramer: Finn! Finn! Hesch es no nöd gschnallt?

Kramer: Du bisch jo sone bescheidene Mensch, Finn. Du hesch sie no gar nöd entdeckt, dini Qualitäte als Ladykiller.

Kramer: (steht auf und schaut seinen Partner bewundernd an) Warum nöd? Du bisch es prädeschtinierters Ideal vo Männlichkeit, du als Polizischt. Und Junggsell no dezue. Es Muschterexemplare vo de männliche Gattig.

Kramer: Ich fange erscht aa. Chasch denn du nöd wiiter luege als bis zum Nasespitz, Finnischätzi? Die arme Kreature hocked da de ganz Tag ume. Todlangwiilig. Und eini hett en Fäldschtächer. Und was gsehnds, da uf der andere Strassesiite? Den „Mann ihrer Träume“. Sie alli händ sich i dich verliebt.

Kramer: Tatsach! Verliebt. Alli. So händ sie sich gfrogt, ob me dich nöd emol us de Nöchi chönnt aaluege. Denn findeds use, dass du uf em Morddezernat bisch. De Reschte isch eis und eis, oder? Was macht meh, wenn me eine vom Morddezernat wott i d Wohnig hole?

Kramer: Din Charme isch tödlich! Und du bisch s Motiv.

Kramer: Wieso bis uf eine?

Kramer: (unerschrocken) Und wie fühlt me sich so, als Objekt vo krimineller Zueneigig?

Kramer: Mit wellere Erklärig?

Hildegard: Aber leider händ mir kei meh für de Herr Kramer.
Kramer: Das isch scho guet so. Finn, Finn, ich han eifach nöd die Usstrahlig wie du. Sowieso muess ich jetz uf s Revier zrugg. Wenn öpper nach dir frogt, sägi eifach, du stecksch no zmitzt i de Ermittlige. Viel Spass no, Finn. Und trink nöd z vill Tee, de isch so starch, de haut ein unter de Tisch.